Hər bir qadın, xüsusilə də sevdiyi insanın yanında olduqda gözəl, cazibədar, təkrarsız görsənmək istəyir. Sadalananlara çatmaq və özünə  güvəni artırmaq üçün stilistlərin məsləhətlərinə əməl etmək lazımdır. Dəbli tendensiyalar, elə onlara qulaq asmaq üçün var.

 

Geyim və aksesuarların arasında saçaqlı əşyaları nəzərdən qaçırmayın

Saçaqlı əşyalar keçmişdə olduğu kimi  2019-da da  aktualdır. Saçaqları hər yerdə istifadə etmək olar: paltarda, gödəkçədə, ayaqqabı və aksesuarda. Əsas vurğusu saçaq olan kantri və boho tərzləri ən populyar dövrünü yaşayır. Dizaynerlər bir az da irəli gedərək dəbli xanımlara saçaqları yalnız geyimdə deyil, dekor və aksesuarlarda da istifadə etməyi təklif edir. Hazırda bu tendensiya çox populyardır, çünki saçaq gündəlik görünüşünüzü  bəzəyir və adi geyimi şık bir axşam tərzinə çevirir. Etnik tərz, saçaqlı əşyaların zərifliyini daha çox vurğulayacaq.

 

Şəkilsiz və böyük  ölçülü “oversize” əşyalardan əl çəkin!

Şəkilsiz və böyük ölçülü əşyalardan qurtulun. 2019-cu ildə dar paltarlar hətta bədənə yapışan tərz dəbdədir. Hətta nisbətən dolu qadınlara da çəkilərini bir az da artıq göstərəcək böyük ölçülü paltarlar geyinmək məsləhət görülmür.

 

Orjinal dizaynlı ətəklər seçin

Dizaynerlərin demək olar ki, hamısı 2019-da asimmetrik, fərqli dizaynda ətəkləri layiqincə dəyərləndirməyi məsləhət görür. Kəsim, print, rəng, material, uzunluq- dəbli ətəyin bütün xarakteristikası unikal və təkrarolunmazdır, orjinal əşyaların köməyi ilə bu cür tərzlər yaratmaq olar.

 

 

Printli geyimlər seçin

Monoton əşyalar öz yerini printlərin cazibadarlığına buraxır. Printli dəbli geyimlər gənclər arasında çox populyardlr. Xanımlar üçün  dəbin son yeniliklərində dizaynerlər orjinal ornamentlərdən istifadə edir. Gözəl abstrakt, dəbəli ağ-qara cizgi, klassik dama, romantik çiçəklər, qadınlar və onların ətrafındakı insanlar tərəfındən qiymətləndiriləcək. Printli geyim sizi diqqətdən kənar qalmağa imkan verməyəcək!

 

Qadınlar üçün cins geyimlər- qarderobunuzdan əksik olmamalıdır

Hər bir xanımın əsas qarderobunun  tərkibində mütləq cins əşyalar olmalıdır: üst və ya alt geyim, ən yaxşısı ikisinin də olmasıdır. 2019- da dizaynerlər çox gözəl cins  jilet, götəkçə və şalvarlar təklif edirlər. Bu parçadan geyimlər o qədər praktik və rahatdır ki, onları əvəz etmək çox çətindir. Gündəlik cins tərzlər çox gözəldir, çünki onlar çox unikaldır. Hər bir dizayner öz dəsti-xətdini qoyub.

 

2019-da yalnız qışda deyil, isti havada da kürklərdən istifadə edin

Kürk yalnız qışda deyil, isti havaların başlanğıcında da aktualdır. Hətta sərin yay axşamlarında belə jiletləri geyinə bilərsiniz. Təkrar olunmaz və tərzli kürk detallı manto, çanta kimi əşyalar gecə obrazınızı tamamlayacaq.

 

Şəffaflıq xoş gəlib, ancaq ayaqqabıda, geyimdə yox!

Bir çox koleksiya şəffaf polietilen materiallardan hazırlanmış əşyalarla  doludur: papaq, ətək, ayaqqabı və çanta.  2019-cu ildə bütün dizaynerlər şəffaf plastiki çox dəbli hesab edir, çünki onlar zərif və cəlb edici görsənir. Ancaq bu tərzi yaratdığınız zaman aşırıya qaçmayın, əks halda çox kobud görsənəcəksiniz. Bir çox şəffaf əşyalar dəbli tərzlərlə birləşdirilir.

 

Yay ayaqqabıları ilə corablar: cəsarət və ya virtuoz trend?

Hələ yaxın keçmişdə  yay ayaqqabılarının altına corab geyinən xanımlar çox cəsarətli görsənirdi, ultra müasir obraz yaratmaq istəyirsinizsə indi bu iki əşya bir biri ilə çox uyğunlaşacaq.  Cəmiyyət hələ bu cür qəribə kombinasiyaya hazır olmasa da, podyumlar bu orjinal duetlərlə doludur. Əgər məqsədiniz  rahat və sərbəst bir obraz  yaratmaqdırsa, dəbli corab və yay ayaqqabıları ideal variantdır.

 

 

Parlaq ayaqqabı geyinməkdən çəkinməyin

2019-un  trendi hündür dabanlı ayaqqabılardır. Son yeniliklər- rahat, davamlı dabanlı parlaq ayaqqabılar. Hündür dik dabanlarda gəzmək o qədər də cavib deyil. Əgər vizual olaraq boyunuzu uzatmaq istəyirsinizsə, şalvarla eyni tonda olan ayaqqabı geyinin. Yeri gəlmişkən dabanın hər sm-i artıq 1 kq gizlədir. Artıq çəkiləri gizlətmək üçün hansı ölçüdə daban geyinəcəyinizə özünüz qərar verin.

 

 

2019-da dəbli obraz yaradarkən iti yaxalardan istifadə edin

Dizaynerlər tərzli, gözəl dəbli qadın obrazını yaratmağın sirlərini dəqiq bilirlər. Üst geyimdə iti yaxalar daha ciddi obraz yaradır və tərzi vurğulayır. Yaxa -birbaşa  diqqəti  qadının üzünə cəlb edən bir detaldır və kəskin yaxalar üz cizgilərini  vizual olaraq uzatmaq xüsusiyyətinə  malikdir. Buna görə də klassik kəsik yaxası olan geyimlər  yuvarlaq üzlü xanımlar üçün idealdır.

 

 

Tərzinizi fərqli  tay sırğalarla tamamlayın

2019-cu ildə hər tayı fərqli, ancaq tərzi eyni sırğalar çox dəbdədir.

Və son, bahalı  kolleksiyalardan olan bijuteriyaların  imitasiyalarının dalınca qaçmayın. Belə metallar çox ucuz görsənir, ən yaxşısı plastik bəzəklər alın.

 

 

Tərzdə yenilik: ayaq barmağa üzük taxmaq

Bu il üzükləri yalnız ələ deyil, ayaq barmağa taxmaq da çox dəbdədir, xüsusilə iri üzükləri baş barmağa. Yayda bu dəbli aksenti sınayın.
Bəzən moda trendləri müasir qadınların həyat tərzinə uyğun gəlmir. Yaradıcılıq və orjinallıq bir çox üslubda keçərlidir, ancaq həddi aşmamaq lazımdır. Dəbli məsləhətlərə riayət edin, ancaq yerinə görə.

 

 

Müxtəlif brendlərin  orjinal, dəbli qadın geyimi, aksesuar, qol saatları, eynək və çantaları və digər aksesuarları mümkün rəng seçimləri və forması ilə Shop.az saytında tapa bilərsiniz. Eləcə də Bakı mağazalarında satılan malları Shop.az saytı vasitəsi ilə onlayn sifariş edə bilərsiniz.

 

© shop.az, 2019 Bütün hüquqlar qorunur